Lubbi hljóðasmiðjur

Táknrænar hreyfingar - Hljóðanám í þrívídd​

Áhersla á tileinkun íslensku málhljóðanna með stuðningi táknrænna hreyfinga fyrir hvert málhljóð.

Tekið er mið af tileinkunarröð og byggt er á íslenskum rannóknum á íslenskum börnum.

Gagnast öllum börnum frá unga aldri, m.a. tvítyngdum og fjöltyngdum börnum, og börnum með frávik í máli og tali á breiðu aldursbili.

Vinnugögn: Spjöld með myndum af táknrænum hreyfingum, lykilorðum, orðabanka og rímorðum. 

Örsögur og verkefni

Áhersla á eflingu hljóðavitundar og annarra þátta hljóðkerfisvitundar sem fela í sér undirstöðufærni fyrir lestrarnám.

Jafnframt er lögð áhersla á hlustun, athygli, málskilning, orðaforða, samræður og gagnvirkan lestur sem undirbyggir lesskilning.

Til viðbótar fræðast börnin á margvíslegan hátt um náttúru Íslands og staðhætti.

Gagnast eldri börnum leikskóla og öllum aldurshópum grunnskóla.

Vinnugögn: Spjöld með myndskreyttum örsögum ásamt fjölbreyttum verkefnum úr hverri sögu.

Hljóðstöðumyndir

Áhersla á rétta myndun íslensku málhljóðanna út frá nákvæmri fyrirmynd um stöðu talfæranna og lýsingu á myndunarhætti.

Efnið er ekki síst hugsað sem sérhæft efni fyrir talmeinafræðinga og skjólstæðinga þeirra, börn og fullorðna sem glíma við erfiðleika og/eða frávik í myndun málhljóðanna.

Á sama hátt getur efnið gagnast fagfólki sem notar efnið í samræmi við faglega leiðsögn talmeinafræðings.

Hljóðasmiðja 4 ásamt vinnuborði

Lagður grunnur að lestri og ritun

Áhersla á hljóðtengingu, brúarsmíð á milli stafs og hljóðs, lestur orða og einfaldra setninga ásamt ritun á grunni hljóðanáms.

Gagnast eldri börnum leikskóla, yngri börnum grunnskóla og breiðum hópi barna og ungmenna sem glíma við lestrar- og stafsetningarvanda.

Vinnugögn: VINNUBORÐ LUBBA ásamt stórum málbeinum í litum hljóðaregnbogans, minni beinum og hringjum með táknrænum hreyfingum. Einnig fylgja auka hringir og bein með spurningamerki sem gilda fyrir öll hljóð/stafi.